“Hi bru. K
wndr wmj vndag. Dux j of is j al op?” Ek kry ‘n hol kol op my maag. Is my taal
besig om te sterf? Ek dink aan prof. Ampie Coetzee, emeritus-professor in
Afrikaans aan die Universiteit van Wes-Kaapland, se voorspelling dat Afrikaans
gaan uitsterf as onderwystaal. ‘n Donker vooruitsig! Ek kyk na die onleesbare
SMS wat ‘n vriend my stuur. Of is ek dalk disleksies? Ek antwoord nie dadelik
nie. Na tien minute kom nog ‘n SMS boodskap deur. Weereens onleesbaar. Ek bel
hom. “My selfoon se skerm is seker weer opgeneuk want jou SMS’e is nie leesbaar
nie.” Hy lag. “Jy moet “kom by”, broer. Dis SMS-taal. ‘n Man het te min airtime
om lang sinne te skryf. There’s no time for airtime. Hoe korter, hoe beter.
Ek
kry anyway meer SMS’e uit soos daai!” Ek maak keelskoon. “O, ek hoor jou, maar
ek sukkel om daai Latyns te verstaan...” Hy skree van die lag op die
agtergrond. “Laat ek explain,” keer hy. “Hi k wndr wmj vndag. Dux j of is j al
op?” beteken “Hallo, ek wonder wat maak jy vandag. Slaap jy of is jy al op?” Ek
lees die SMS weer en verstaan meteens sy boodskap. “Nee, ek slaap nie. Ek is al
douvoordag op want ek moet voor die einde van die week ‘n kortverhaal vir my
uitgewer gereed hê. Die eerste en beste idees kom immers vroegoggend wanneer
mens in voeling is met jou onbewustelike self. Is dan in staat om te delf in
die rykdom van materiaal wat gedurende die dag begrawe word.” Hy skree weer van
die lag. “Jy klink soos Paula van Sewendelaan, my broer!”
Later die
dag kry ek weer ‘n SMS van hom af: “Bru wt mak ns di nawek? Of j leka ani slp?”
Ek vuur 'n SMS boodskap af aan hom: “Fone me if u hav sometin 2 sy 2 me!"
My sel lui. My “Latynse” vriend se nommer flits op die skerm. Ek kan sy
gedempte lag hoor. “Jy kan mos lekker sms-taal gooi, broer!” Ek lag saam. “Stuur
maar gerus nog van daai SMS’e na my toe. Ek wil ‘n volle rubriek doen in
SMS-taal. Ek wil dit na ‘n koerant toe stuur.” Hy dink dis ‘n goeie idee
aangesien dit meer jongmense sal lok om koerant te lees. “Dit gaan cool wees.
Jongmense het nie altyd lus vir stywe Afrikaans nie. Afrikaanse SMS-taal kan
dalk ook een van die land se amptelike tale word. Koerante is anyway vir jonk
en oud bedoel,” voeg hy by. Later die aand bel hy en vra wanneer begin ek skryf
aan my eerste SMS-rubriek. SMS-taal is cool, maar wat van Afrikaans? Basta! Hy
meen ek is onnodig angstig oor Afrikaans se oorlewing. Maar beslis nie
irrasioneel nie!
Die
ontwikkeling van die internettegnologie het gelei tot die ontstaan van goedkoop
en nuwe kommunikasiemiddele. Facebook en Twitter is op selfone beskikbaar. Ek
begin toe hardop wonder: Is lesers gereed vir ‘n rubriek in SMS-taal? Is
redakteure gereed? Ek reik na my selfoon en begin my SMS-dialek te oefen. Ek
moet erken dat dié loslittige taal baie bevrydend voel. Selfoon-gebruikers glo
mos immers dat SMS-dialek jou boonop tyd én geld bespaar. Ek dink weer aan die
idee van ‘n rubriek in SMS-taal. Eendag wanneer daar so ‘n rubriek gaan
verskyn, hoop ek dat dit myne sal wees.
No comments:
Post a Comment